ترکی میں ڈیجیٹل سیکیورٹی کے نئے ضابطے کی منظوری کے بعد 15 سال سے کم عمر افراد کے لئے سوشل میڈیا کے استعمال پر پابندی کا آغاز
ترک حکومت نے ایک نیا ضابطہ نافذ کیا ہے جس کے تحت 15 سال سے کم عمر افراد کے لیے سوشل میڈیا پلیٹ فارمز پر اکاؤنٹ بنانا ممنوع قرار دے دیا گیا ہے، جبکہ 15 سے 18 سال کی عمر کے گروپ پر سخت نگرانی کی پابندیاں عائد کی جائیں گی۔
یورو نیوز کی رپورٹ کے مطابق، پلیٹ فارمز کو ای-گورنمنٹ سسٹم کے ذریعے صارفین کی عمر کی تصدیق کرنے اور والدین کو کنٹرول کے آلات فراہم کرنے کا پابند بنایا گیا ہے۔
ترکی کا یہ اقدام سائبر اسپیس میں بچوں کی صحت اور پرائیویسی کے تحفظ کے لئے بین الاقوامی کوششوں میں تیزی کے ساتھ ہی سامنے آیا ہے۔
سائبر اسپیس میں عمر کی پابندیوں کو قانونی شکل دینے کا ترکی کا یہ اقدام، نوجوانوں پر ڈیجیٹل نقصانات کو روکنے کے لئے بڑھتے ہوئے عالمی رجحان کی عکاسی کرتا ہے۔
ان سخت ضوابط کا نفاذ، پرائیویسی کے تحفظ، بچوں کی حفاظت اور بین الاقوامی پلیٹ فارمز کی ذمہ داری کے درمیان توازن کے چیلنج کو ایک نئے مرحلے میں داخل کر دیتا ہے۔
