کسی بھی انسان حتی انبیاء اور ائمہ اطہار علیہم السلام میں خدائے تعالی کے حلول ہونے کا عقیدہ رکھنا شرک اور ارتداد ہے: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور اتوار 28 شوال المکرم 1446 ہجری کو منعقد ہوا۔ جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے دوسرے ادیان و مذاہب اور فرقوں کے عقائد کو مد نظر رکھتے ہوئے فرمایا: کسی بھی انسان حتی انبیاء اور ائمہ اطہار علیہم السلام میں خدا تعالی کے حلول ہونے پر ایمان رکھنا شرک اور ارتداد کا مصداق ہے۔

آیۃ اللہ العظمیٰ شیرازی نے فرمایا: اللہ تعالی کا مظہر، آیت اور علامت ہے، سورج، انسان سمیت تمام مخلوقات اس کے مظاہر، آیات اور نشانیاں ہیں۔

آیۃ اللہ العظمیٰ شیرازی نے فرمایا: اس لئے کسی میں بھی اللہ تعالی کے حلول کے سلسلہ میں عقیدہ رکھنا باطل ہے۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔