ہندوستان:طلبہ احتجاج پر پولیس کارروائی کی جانچ کے لیے سپریم کورٹ نے ہائی پاورڈ کمیٹی بنائی

هندوستان:طلبہ احتجاج پر پولیس کارروائی کی جانچ کے لیے سپریم کورٹ نے ہائی پاورڈ کمیٹی بنائی

نئی دہلی، سپریم کورٹ نے گزشتہ ماہ NEET پرچہ لیک سمیت مختلف امتحانی بے ضابطگیوں کے خلاف ہوئے طلبہ احتجاج کے دوران پولیس کی مبینہ زیادتی کی جانچ کے لیے سابق جج جسٹس آر سبھاش ریڈی کی سربراہی میں 5 رکنی ہائی پاورڈ کمیٹی تشکیل دی ہے۔

کمیٹی میں جسٹس روی شنکر جھا، جسٹس شالندر کور، سابق سی بی آئی ڈائریکٹر رشی شکلا اور سابق ڈی جی پی ایل آر بشنوئی شامل ہیں۔

عدالت نے ہدایت دی کہ کمیٹی پیلیٹ گن کے استعمال، خواتین مظاہرین سے بدسلوکی، اور سنگین چوٹوں کی جانچ کو ترجیح دے۔ تمام CCTV، ڈرون اور باڈی کیم فوٹیج محفوظ رکھنے، نابالغوں کو رہا کرنے اور مظاہرین کا ذاتی ڈیٹا عوامی نہ کرنے کا حکم بھی دیا گیا ہے۔ معاملے کی اگلی سماعت 10 ستمبر کو ہوگی۔