بچوں کے کھیلوں کے انعامات اگر عرف کے لحاظ سے جُوا شمار ہوں تو حرام ہیں: آیۃ اللہ العظمیٰ شیرازی

بچوں کے کھیلوں کے انعامات اگر عرف کے لحاظ سے جُوا شمار ہوں تو حرام ہیں: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور بدھ 22 ربیع الثانی 1447 ہجری کو منعقد ہوا۔
جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے بچوں کے کھیلوں میں اُن انعامات کے بارے میں فرمایا جو جیتنے والوں کے لئے مقرر کئے جاتے ہیں: اگر عرف کے لحاظ سے ایسے کھیل اور ان کے انعامات کو قمار (جُوا) یا برد و باخت سمجھا جائے، تو وہ حرام ہیں۔

معظم لہ نے مزید فرمایا: اگر عرف میں انہیں محض انعام یا تحفہ سمجھا جائے، تو اس میں کوئی حرج نہیں ہے۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔