کویت میں روزانہ 15 سے زائد طلاق کے معاملے آ رہے سامنے، شہریت کے قانون میں تبدیلی بڑی وجہ
کویت میں روزانہ 15 سے زائد طلاق کے معاملے آ رہے سامنے، شہریت کے قانون میں تبدیلی بڑی وجہ
رواں سال جنوری سے اپریل تک کُل 1419 کویتی میاں-بیوی نے ایک دوسرے سے طلاق لیا۔ اس کے علاوہ 332 کویتی مردوں نے اپنی غیر کویتی بیویوں سے اور 141 کویتی خواتین نے غیر کویتی شوہروں سے طلاق لیا۔
کویت میں شادیوں اور طلاق کے حوالے سے حالیہ دنوں میں جو اعداد و شمار سامنے آئے ہیں وہ کافی حیران کن ہیں۔ ملک میں روزانہ تقریباً 15 کویتی مرد اپنی بیوی کو طلاق دے رہے ہیں۔ اس کے علاوہ حکومت کی جانب سے ’شہریت کے قانون‘ میں ایک اہم تبدیلی کے بعد شادی کے پیٹرن میں بھی بڑی تبدیلی دیکھی جا رہی ہے۔ اب کویتی مردوں میں غیر ملکی خواتین سے شادی کرنے کا رجحان کم ہوتا جا رہا ہے اور کویتی خواتین سے شادی کا رجحان بڑھ رہا ہے۔
کویت کی وزارت انصاف کے شریعہ دستاویزی محکمہ کے ذریعہ جاری کردہ اعداد و شمار کے مطابق جنوری 2025 سے اپریل 2025 تک 2916 کویتی مردوں نے کویتی خواتین سے شادی کی۔ دوسری جانب غیر ملکی خواتین سے شادی کے 332 معاملے سامنے آئے ہیں۔ اس دوران 133 کویتی خواتین نے بھی غیر ملکی مردوں سے شادی کی۔ جبکہ 44 کویتی مردوں اور 10 خواتین نے بدویوں (بے وطن افراد) سے شادی کی ہے۔
طلاق کے اعداد و شمار کی بات کی جائے تو رواں سال جنوری سے اپریل تک کُل 1419 کویتی میاں-بیوی نے ایک دوسرے سے طلاق لیا۔ اس کے علاوہ 332 کویتی مردوں نے اپنی غیر کویتی بیویوں سے اور 141 کویتی خواتین نے غیر کویتی شوہروں سے طلاق لیا۔ یعنی کہ روزانہ اوسطاً 15 سے زائد طلاق کے معاملے سامنے آئے ہیں۔ یہ اعداد و شمار کویت کے خاندانی ڈھانچے اور سماجی تبدیلیوں پر سوال کھڑے کر رہے ہیں۔
کویت میں بڑے پیمانے پر ہو رہے طلاق کی اہم وجہ ’امیری ڈِکری‘ میں کی گئی ترمیم بتائی جا رہی ہے۔ اب یہ واضح وہ گیا ہے کہ کسی کویتی شخص سے شادی کرنے والی غیر ملکی خاتون کو خود بخود شہریت نہیں ملے گی۔ اس قانون کا مقصد کویتی شناخت کو محفوظ رکھنا اور آبادی کے ڈھانچے میں توازن برقرار رکھنا ہے۔ یہی وجہ ہے کہ اب کویتی شخص زیادہ تر کویتی خاتون سے ہی شادی کو ترجیح دے رہے ہیں۔
اگر شادی کے رجحانوں کی بات کی جائے تو اب 75 فیصد شادیاں صرف کویتی شہریوں کے درمیان ہو رہی ہیں۔ جبکہ غیر ملکی جوڑوں کے درمیان شادی کی شرح صرف 13.4 فیصد ہے۔ کویتی مرد اور غیر ملکی خاتون کے درمیان شادی کی شرح 8.4 فیصد اور غیر ملکی مرد اور کویتی خاتون کے درمیان شادی کی شرح صرف 3.2 تک محدود رہ گئی ہے۔
