امام جعفر صادق علیہ السلام کے ایام شہادت میں عالمِ اسلام میں وسیع پیمانے پر مجالس و عزاداری
عشرۂ صادقیہ کے موقع پر یعنی امام جعفر صادق علیہ السلام کے ایام شہادت میں عالمِ اسلام غم و اندوہ کی فضا میں ڈوب جاتا ہے۔
ان ایام میں مؤمنین مختلف مجالس اور عزائی پروگرامز کے ذریعہ اس عظیم پیشوا سے اپنی عقیدت کا اظہار کرتے ہیں۔
یہ موقع اس عظیم امام کے بے مثال کردار کی یاد تازہ کرتا ہے، جنہوں نے علم، دینی معارف اور انسانی ہدایت کے فروغ میں اہم ترین کردار ادا کیا۔ آپ کی علمی تحریک نے جہالت کے اندھیروں کو علم و معرفت کی روشنی میں بدل دیا۔
اسی مناسبت سے نجف اشرف میں امیرالمؤمنین امام علی علیہ السلام کا روضۂ مبارک سیاہ پوش کر دیا گیا ہے، جو غم و ماتم کی ایک خاص کیفیت پیش کرتا ہے۔
اسی طرح کربلا معلی میں امام حسین علیہ السلام کے روضۂ مبارک پر بھی سیاہ پرچم نصب کئے گئے ہیں اور روحانی ماحول کے ساتھ زائرین کے استقبال کی تیاریاں کی گئی ہیں۔
دنیا کے مختلف علاقوں، خصوصاً دینی و مذہبی مراکز میں مجالسِ عزا کا انعقاد اس بات کی علامت ہے کہ یہ امام مسلمانوں کے دلوں میں بلند مقام رکھتے ہیں۔
یہ عزاداری اس بات کا موقع فراہم کرتی ہیں کہ امام کی علمی و اخلاقی سیرت کو دوبارہ یاد کیا جائے اور ان کی تعلیمات پر عمل کرنے کی اہمیت کو اجاگر کیا جائے۔
واضح رہے کہ اس موقع پر بیت آیۃ اللہ العظمیٰ سید صادق حسینی شیرازی سمیت، ان کے دفتر سے وابستہ مراکز میں بھی دنیا بھر میں مجالسِ عزا کا اہتمام کیا جا رہا ہے۔
