امریکہ کا 3 مشتبہ منشیات بردار کشتیوں پر حملہ، 8 ہلاک

امریکہ کا 3 مشتبہ منشیات بردار کشتیوں پر حملہ، 8 ہلاک

امریکہ کی جانب سے مشرقی بحرالکاہل میں 3 مشتبہ منشیات بردار کشتیوں پر حملوں میں 8 افراد ہلاک ہوگئے۔

غیر ملکی ذرائع ابلاغ کے مطابق امریکی سدرن کمانڈ کا اس حوالے سے کہنا ہے کہ کشتیوں کی نشاندہی خفیہ معلومات پر کی گئی۔ یہ کشتیاں مشرقی بحرالکاہل میں منشیات کی اسمگلنگ کے معروف راستوں سے گزر رہی تھیں۔

امریکی میڈیا کا کہنا ہے کہ آپریشن سدرن اسپیئر کے نام سے جاری اس مہم کے دوران منشیات بردار کشتیوں پر حملوں میں اب تک تقریباً 95 افراد کو ہلاک کیا جاچکا ہے۔

ٹرمپ انتظامیہ نے اس سلسلے میں کہا ہے کہ اس مہم کا مقصد امریکا میں منشیات کی اسمگلنگ کو روکنا ہے۔

واضح رہے کہ امریکی اداروں کی جانب سے تازہ ترین حملے ایسے وقت میں سامنے آئے ہیں جب ٹرمپ انتظامیہ کی جانب سے منشیات کی مبینہ کشتیوں پر حملوں کے بارے میں سوالات اُٹھنے لگے ہیں۔