عصمت کبری صرف چودہ معصومین علیہم السلام سے مخصوص ہے، البتہ بعض ائمہ علیہم السلام کے فرزندان عصمت صغری کے حامل ہیں: آیۃ اللہ العظمیٰ شیرازی

عصمت کبری صرف چودہ معصومین علیہم السلام سے مخصوص ہے، البتہ بعض ائمہ علیہم السلام کے فرزندان عصمت صغری کے حامل ہیں: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور اتوار 12 ربیع الثانی 1447 ہجری کو منعقد ہوا۔

جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمی شیرازی نے مقام عصمت کے بارے میں فرمایا: ہمارے پاس دلیل ہے کہ عصمت کبری صرف چودہ افراد سے مخصوص ہے، حضرت زینب، حضرت عباس، حضرت علی اکبر اور حضرت معصومہ علیہم السلام عصمت صغری کے حامل ہیں، جو عصمت کبری کے بعد کے مراتب ہیں۔

آیۃ الله العظمی شیرازی نے مزید فرمایا: روایات میں لفظ "عصمت صغری” استعمال نہیں ہوا، لیکن زیارات اور روایات سے جو ان بزرگوں کی مدح و ستائش میں بیان ہوئی ہیں، یہ معلوم ہوتا ہے کہ وہ بلند درجات کے حامل تھے، جنہیں علماء نے "عصمت صغری” کے طور پر یاد کیا ہے۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔