صرف معصومین علیہم السلام ہی ہر چیز کا علم اور آگاہی رکھتے ہیں: آیۃ اللہ العظمیٰ شیرازی

صرف معصومین علیہم السلام ہی ہر چیز کا علم اور آگاہی رکھتے ہیں: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور جمعہ 26 ربیع الاول 1447 ہجری کو منعقد ہوا۔ جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے غیر معصومین کے بارے میں علم اور بعض فضائل کے دعووں کے سلسلے میں فرمایا: صرف معصومین علیہم السلام ہی ہیں جو ہر چیز کا علم اور آگاہی رکھتے ہیں اور اس بارے میں متواتر روایات موجود ہیں جنہیں "علم الامام” کہا جاتا ہے۔

معظم لہ نے مزید فرمایا: لیکن غیر معصومین کے بارے میں یہ بات ثابت نہیں ہے اور جو دعوے بعض افراد کے بارے میں کئے جاتے ہیں وہ بھی یقینی طور پر درست نہیں ہیں۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔