غدیرِ خم؛ اعلانِ ولایت اور امت کی ہمبستگی
استنبول میں علمی و معرفتی کانفرنس ’’غدیرِ خم؛ اعلانِ ولایت اور امت کی ہمبستگی‘‘ کا انعقاد
واقعۂ عظیم غدیرِ خم کی مناسبت سے ترکیہ کے شہر استنبول میں ایک خصوصی علمی و تحقیقی نشست بعنوان ’’غدیرِ خم؛ اعلانِ ولایت اور امت کی ہمبستگی‘‘ منعقد کی جا رہی ہے۔
یہ عظیم مذہبی کانفرنس عیدِ سعید غدیر کے موقع پر ہفتہ، 6 جون 2026ء، مطابق 16 خرداد 1405 ہجری شمسی، شام 7 بجے مقامی وقت کے مطابق شروع ہوگی۔
جبکہ مہمانوں کے استقبال اور ضیافت کا سلسلہ رسمی پروگرام سے ایک گھنٹہ قبل آغاز ہو جائے گا۔
شیعہ خبر رساں ایجنسی کے مطابق، یہ پروگرام استنبول کے علاقے باغچہلیاولر میں واقع ’’عاکف امرہ کلچرل سینٹر‘‘ میں منعقد ہوگا، جہاں ممتاز علماء، مفکرین اور دانشور شخصیات خطاب کریں گی۔ ان مقررین میں شیخ جلال معاش، پروفیسر فاضل آغیش، سید تزل دده، غازی کارابابا دده اور سید علی ہدی دده شامل ہیں۔
اس علمی نشست کی نظامت جمال توپال کریں گے، جبکہ افتتاحی خطاب حسین اونوردی پیش کریں گے۔
اس کانفرنس کے انعقاد کا مقصد ولایت کے مقام و منزلت کو اجاگر کرنا اور خطبۂ غدیر کے پیغام کی روشنی میں امتِ مسلمہ کے اتحاد و ہمبستگی کو مضبوط بنانے کے طریقوں پر گفتگو کرنا ہے۔
دنیا بھر میں وہ افراد جو اس ثقافتی مرکز میں شرکت نہیں کر سکیں گے، وہ اس پروگرام کو براہِ راست عالمی نیٹ ورک الزہرا سلام اللہ علیہا (AL-ZAHRA TV) کے ذریعہ دیکھ سکیں گے۔
