امریکہ میں طوفانی بگولوں نے تباہی مچادی، مختلف حادثات میں انیس افراد جان سے گئے۔
غیر ملکی میڈیا کے مطابق امریکہ میں طوفانی بگولوں نے تباہی مچادی جس کے نتیجے میں 19 افراد ہلاک ہوگئے جبکہ متعدد افراد زخمی ہو گئے۔
طوفانی بگولوں سے ریاست مسوری میں سب سے زیادہ نقصان ہوا جہاں گیارہ افراد ہلاک ہوئے، ریاست ٹیکساس میں تین افراد لقمہ اجل بنے۔
رپورٹ کے مطابق بگولے سے متعدد عمارتوں اور گھروں کی چھتیں اڑگئیں جبکہ ریاست اوکلاہوما میں ایک سو تیس مقامات پر آگ لگ گئی۔
امریکی محکمہ موسمیاتی کے ماہرین نے امریکہ کی 17 ریاستوں کو شدید طوفان سے خبردار کردیا ہے کہا کہ ایک بڑا اور خطرناک طوفان اتوار تک ریاستوں پر اثر انداز ہوسکتا ہے۔
امریکی محکمہ موسمیات کے مطابق کیلی فورنیا، کینٹکی، مسی سپی، ایلی نوائے، ٹیننسی، مسوری اور الباما سمیت امریکہ کی سینٹرل اور مشرقی ریاستوں میں شدید طوفان کا خطرہ ہے۔
