جنسیت تبدیل کرنا جائز نہیں ہے، مرد اور عورت کو حق نہیں کہ خود کو مخالف جنسیت میں تبدیل کریں: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور بدھ 27 شعبان المعظم 1446 ہجری کو منعقد ہوا جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے جنسیت بدلنے کے سلسلہ میں فرمایا: شرعی دلیلوں کی روشنی میں جنسیت تبدیل کرنا جائز نہیں ہے، مرد و عورت کو حق نہیں کہ خود کو مخالف جنسیت میں تبدیل کریں۔

آیۃ اللہ العظمیٰ شیرازی نے فرمایا: اگر کسی نے اس حرام کام کا ارتکاب کیا اور بطور کامل اپنی جنسیت بدل دی کہ مرد عورت بن جائے یا عورت مرد بن جائے تو ان کے احکام بھی تبدیل ہو جائیں گے۔‌ یعنی اگر کوئی مرد جنسیت بدل کر عورت ہو جائے تو وہ حقیقت میں عورت ہوگا اور خاتون کے احکام نافذ ہوں گے، اسی طرح اگر کوئی عورت جنسیت بدل کر مرد ہو جائے تو وہ حقیقت میں مرد ہوگی اور اس پر مردوں کے احکام نافذ ہوں گے۔ کیونکہ  احکام موجودہ صورت پر نافذ ہوں گے۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ علمی جلسات آپ کے دفتر واقع ایران، قم مقدس، خیابان چہار مردان، کوچہ 6 میں ایرانی وقت کے مطابق صبح 11:15 بجے منعقد ہوتا ہے‌۔

آپ ان علمی جلسہ کو براہ راست امام حسین علیہ السلام سیٹلائٹ چینل یا فروکوئنسی 12073 پر دیکھ سکتے ہیں۔