حضرت فاطمہ زہرا سلام اللہ علیہا کی شہادت کے دہۂ عزا کا آغاز؛ ۷۵ دن کی روایت کے مطابق ایامِ فاطمیہ

رسولِ خدا صلی اللہ علیہ و آلہ کی رحلت کے ۷۵ دن بعد کی روایت کے مطابق، حضرت فاطمہ زہرا سلام اللہ علیہا کے سوگ کا عشرہ عزا ۱۰ سے ۱۹ جمادی الاول تک شروع ہو گیا ہے۔

اس مناسبت سے عراق و ایران سمیت دنیا بھر میں اہلِ بیت علیہم السلام کے حرم ہائے مطہر، مساجد اور امام بارگاہیں سیاہ پوش ہو گئی ہیں اور شیعہ مجالسِ عزا برپا کر کے سوگوار ہیں۔

اس سلسلے میں میرے ساتھی کی رپورٹ ملاحظہ فرمائیے:

رسولِ خدا صلی اللہ علیہ و آلہ کی رحلت کے ۷۵ دن بعد کی روایت کے مطابق حضرت فاطمہ زہرا سلام اللہ علیہا کی شہادت کے ایام عزا یعنی ۱۰ سے ۱۹ جمادی الاول کے آغاز کے ساتھ ہی اہلِ بیت علیہم السلام کے حرم ہائے مطہر سیاہ پوش ہو گئے ہیں۔

دنیا بھر کے شیعہ جہانِ اسلام کی اس عظیم خاتون کے سوگ میں عزاداری کر رہے ہیں اور مجالسِ سوگواری منعقد کر رہے ہیں۔

بعض روایات کے مطابق حضرت زہرا سلام اللہ علیہا کی شہادت ۱۳ جمادی الاول کو ہوئی، لیکن دوسری روایات میں آپ کی شہادت کے دیگر ایام کا بھی ذکر ملتا ہے، جن میں ۸ ربیع الثانی اور ۳ جمادی الثانی شامل ہیں۔

مراجعِ عظامِ تقلید، بالخصوص آیت اللہ العظمیٰ سید صادق حسینی شیرازی نے تاکید فرمائی ہے کہ شیعہ ان ایام میں مختلف اقوال کی بنیاد پر عزاداری کریں۔

اسی مناسبت سے مختلف ممالک، خصوصاً عراق، ایران اور دنیا کے دیگر مقامات پر اہلِ بیت علیہم السلام کے حرم ہائے مطہر سیاہ پوش اور سوگ میں ڈوبے ہوئے ہیں۔

نجفِ اشرف میں امیر المومنین حضرت علی علیہ السلام کا حرمِ مطہر، کربلا میں حضرت سید الشہدا اور حضرت ابوالفضل العباس علیہما السلام کے حرم، کاظمین میں امام موسیٰ کاظم اور امام محمد تقی جواد علیہما السلام کا حرم، اور سامرا میں امام علی نقی ہادی اور امام حسن عسکری علیہما السلام کا حرم ان مقدس مقامات میں شامل ہیں جو ان ایام میں سیاہ پوشی اور عزاداری کے ذریعے حضرت زہرا سلام اللہ علیہا کی شہادت کی یاد مناتے ہیں۔

اسی طرح دنیا بھر کے دیگر بقاعِ متبرکہ اور امام زادوں میں بھی مجالسِ سوگواری برپا کی جاتی ہیں۔

قم میں بیتِ آیت اللہ العظمیٰ سید صادق حسینی شیرازی اور دنیا بھر میں آپ سے وابستہ دفاتر و مراکز، حضرت فاطمہ زہرا سلام اللہ علیہا کی شہادت کے دہۂ عزا کے موقع پر ان ایام کو مجالسِ عزا، علمی و ثقافتی محافل اور مختلف پروگراموں کے ذریعے مناتے ہیں۔

یہ مراکز حضرت زہرا سلام اللہ علیہا کے مقام کی تعظیم اور ثقافتِ اہلِ بیت علیہم السلام کے فروغ کے مقصد سے بین الاقوامی سطح پر محبانِ اہلِ بیت کو مذہبی و دینی خدمات فراہم کرتے ہیں اور دنیا کے گوشے گوشے میں شیعوں کے دلوں میں عزاداری اور سوگواری کی روح کو زندہ رکھتے ہیں۔