ہندوستان میں اگست میں خوردہ مہنگائی بڑھ کر 4.8 فیصد

ہندوستان میں اگست میں خوردہ مہنگائی بڑھ کر 4.8 فیصد

نئی دہلی: جولائی کی 4.45 فیصد کے مقابلے اگست میں ملک کی خوردہ مہنگائی کی شرح بڑھ کر 4.82 فیصد ہوگئی، جو رواں سال کی سب سے بلند سطح ہے۔

کھانے پینے کی اشیاء اس اضافے کی بڑی وجہ بنیں۔ غذائی مہنگائی 5.52 فیصد سے بڑھ کر 5.95 فیصد تک پہنچ گئی۔ پیاز کی مہنگائی دوگنی ہوکر 48.27 فیصد اور لہسن کی 43.60 فیصد رہی، جبکہ چینی کی قیمتیں ریکارڈ سطح پر پہنچ گئیں۔

اگرچہ ٹماٹر 31 فیصد سستا ہوا جس سے کچھ راحت ملی، لیکن ماہرین کا کہنا ہے کہ آنے والے مہینوں میں مہنگائی کا دارومدار مانسون اور عالمی خام تیل کی قیمتوں پر ہوگا۔

اس درمیان آر بی آئی نے عالمی سطح پر خام تیل کی قیمتوں میں نرمی کا حوالہ دیتے ہوئے مالی سال 2027 کے لیے مہنگائی کا تخمینہ 5.1 فیصد سے گھٹا کر 5 فیصد کردیا ہے۔