قرآن تمام انسانیت کے لیے ہے— کرناٹکا کے وزیر کا بیان

قرآن تمام انسانیت کے لیے ہے— کرناٹکا کے وزیر کا بیان

کرناٹکا (بھارت) کے اعلیٰ تعلیم کے وزیر باسواراج رائریڈی نے اسلام کی بہت تعریف کرتے ہوئے کہا کہ قرآن کریم کی تعلیمات پوری دنیا کے لیے ہیں۔
"ٹائمز آف انڈیا” کی رپورٹ کے مطابق وزیر نے کہا کہ اسلام ایک عظیم دین ہے اور قرآن صرف مسلمانوں کے لیے نہیں، بلکہ کوئی بھی اسے پڑھ سکتا ہے۔ انہوں نے یہ بھی بتایا کہ ان کی خواہش ہے کہ وہ مکہ مکرمہ جا کر حج ادا کریں۔ پی ٹی آئی کی رپورٹ کے مطابق وزیر نے مذہبی اور طبقاتی تعصب سے دور رہنے پر زور دیا اور کہا کہ اسلام انسانیت اور صحیح طرزِ زندگی سکھاتا ہے۔ اس کے علاوہ انہوں نے ریاستی حکومت کے اس فیصلے کی بھی حمایت کی جس میں مسلمانوں کی شادیوں کے لیے خاص ہالز بنانے اور بجٹ دینے کی بات کہی گئی ہے۔