عراق کے صوبہ بابل کے علاقہ ابوغرق سے تعلق رکھنے والے نوجوانوں کے ایک وفد نے نجف اشرف میں مرجع عالی قدر آیۃ اللہ العظمیٰ سید صادق حسینی شیرازی دام ظلہ کے دفتر میں حاضری دی۔
نجف اشرف میں مرجع عالی قدر آیۃ اللہ العظمیٰ سید صادق حسینی شیرازی دام ظلہ کے دفتر کے ڈائریکٹر حجۃ الاسلام والمسلمین سید عطاء اللہ حسینی نے نوجوانوں کا استقبال کیا۔
یہ وفد حجۃ الاسلام علی فاطمی کے ہمراہ آیۃ اللہ العظمیٰ شیرازی کے دفتر میں حاضر ہوا۔
اس ملاقات کے دوران دفتر کے ڈائریکٹر نے نوجوانوں کا خیرمقدم کرتے ہوئے امیرالمؤمنین امام علی علیہ السلام کی زیارت کی فضیلت اور اہمیت پر گفتگو کی۔
انہوں نے حرمِ مطہرِ امیرالمؤمنین علیہ السلام کی زیارت کی اہمیت کی طرف اشارہ کرتے ہوئے اس بات پر زور دیا کہ بارگاہِ نورانیِ امیرالمؤمنین علیہ السلام کے جوار میں حاضری کے اس قیمتی موقع سے بھرپور استفادہ کیا جائے اور معارفِ اہل بیت علیہم السلام کی جانب خصوصی توجہ دی جائے۔
