عراق میں اربعین حسینیؑ کے زائرین کی آمد و رفت کے لیے 60 فیصد حصے کے ساتھ "زرباطیہ بارڈر” سب سے مصروف ترین راستہ قرار پایا
عراق میں اربعین حسینیؑ کے زائرین کی آمد و رفت کے لیے 60 فیصد حصے کے ساتھ "زرباطیہ بارڈر” سب سے مصروف ترین راستہ قرار پایا
اربعین حسینیؑ کے بابرکت ایام اور پیروانِ اہلِ بیت علیہم السلام کی بے مثال شرکت کے دوران عراق کے خدماتی اور سیکیورٹی اداروں کی جانب سے بارڈرز پر زائرین کی آمد و رفت کو منظم اور آسان بنانے کی چوبیس گھنٹے کوششیں کامیابی سے جاری ہیں۔
"مڈل ایسٹ نیوز” نے عراق کے بارڈر اتھارٹی کے سربراہ عدنان الوائلی کے حوالے سے بتایا کہ ان کی فورسز دیگر معاون اداروں کے ساتھ ہم آہنگی میں آخری زائر کی واپسی تک واپسی کے عمل کو باریکی سے منظم کر رہی ہیں۔
عراقی سرکاری خبر رساں ایجنسی "واع” کے مطابق، مذکورہ عہدیدار نے زور دیا کہ "زرباطیہ – مہران بارڈر” سب سے زیادہ مصروف راستے کے طور پر پہلے نمبر پر رہا ہے، اس طرح کہ عراق میں داخل ہونے یا ملک سے نکلنے والے زائرین میں سے تقریباً 60 فیصد نے آمد و رفت کے لیے اسی بارڈر کو منتخب کیا۔
یہ اعداد و شمار اربعین کی عظیم مشایہ میں زائرین کے بڑے حجم کی خدمات اور انتظامات کے لئے "زرباطیہ – مہران بارڈر” کی اسٹریٹیجک اہمیت اور اعلیٰ آمادگی کو ظاہر کرتے ہیں۔
