کراچی میں رینجرز ہیڈکوارٹر پر تحریکِ طالبان پاکستان کے دہشت گرد حملے میں تین پاکستانی اہلکار جاں بحق

کراچی میں رینجرز ہیڈکوارٹر پر تحریکِ طالبان پاکستان کے دہشت گرد حملے میں تین پاکستانی اہلکار جاں بحق

کراچی کے علاقہ گلستان جوہر میں بم دھماکے اور مسلح تصادم کے نتیجے میں کم از کم تین پاکستانی سیکیورٹی اہلکار جاں بحق جبکہ متعدد دیگر زخمی ہو گئے۔

اطلاعات کے مطابق، حملہ آوروں نے بارود سے بھری گاڑی کے ذریعے رینجرز کے کمپاؤنڈ کے مرکزی دروازے کو نشانہ بنایا، جس کے بعد سیکیورٹی فورسز اور دہشت گردوں کے درمیان شدید فائرنگ کا تبادلہ ہوا۔ جوابی کارروائی میں چار حملہ آور بھی ہلاک کر دیے گئے۔

اس حوالے سے خبر رساں ادارہ رائٹرز نے رپورٹ کیا ہے کہ کالعدم دہشت گرد تنظیم جماعت الاحرار جو تحریکِ طالبان پاکستان (TTP) کا ایک علیحدہ دھڑا ہے، نے اس مہلک حملے کی ذمہ داری قبول کر لی ہے۔ سیکیورٹی اداروں نے واقعے کی تحقیقات شروع کر دی ہیں اور علاقے میں سرچ آپریشن جاری ہے۔