استنبول میں تاسوعائے حسینی کی یاد اور عاشورا فکری نشستوں کا اہتمام
تاسوعائے حسینی کے موقع پر استنبول کے محلے ”حلقہ لی” میں شیعیان کی کثیر تعداد کی شرکت کے ساتھ امام حسین علیہ السلام اور آپ کے جانثار یاران کی شہادت کے غم میں مجالسِ عزا برپا ہوئیں۔
ان مجالس میں سوگوار مرثیوں اور نوحوں کی گونج میں شہدائے کربلا کی یاد میں آنسو بہاتے رہے۔
انہی عزاداریوں کے ساتھ ساتھ، استنبول کی مسجدِ ”زینبیہ” محرم کے پہلے عشرے میں فکری اور ثقافتی مذاکروں کا مرکز بن گئی ہے۔ ان معرفتی مجالس میں دانشوروں، دینی، صحافتی اور اکادمیائی شخصیات کی شرکت میں قیامِ عاشورا کے انسانی، عدل پسند اور اصلاحی پہلوؤں کا جائزہ لیا جاتا ہے۔
ترکی کی شیعہ برادری کے نوجوانوں اور خاندانوں کی بڑی تعداد پر مشتمل ان پروگراموں کے شرکاء اس بات پر زور دیتے ہیں کہ عاشورا کا احیاء محض ایک تاریخی یادگار سے بڑھ کر، اخلاقی اقدار کے فروغ، مکالمے کی ثقافت، پُرامن بقائے باہمی اور سماج میں ذمہ داری کے احساس کو راسخ کرنے کا تعمیری ذریعہ ہے۔
اس کے علاوہ ترکی کے دیگر شہروں کی مساجد اور مراکز میں بھی دستہ ہائے عزا اور مجالسِ ذکر کا اہتمام کیا گیا، جو مکتبِ حسینی سے عاشقانِ اہلِ بیت کی گہری وابستگی کا آئینہ ہے۔
