قم میں بیت آیت اللہ العظمیٰ شیرازی میں محرم الحرام 1448ھ کے پہلے عشرے کی مجالسِ عزا کا آغاز

بیتِ مرجعِ عالی قدر آیۃ اللہ العظمیٰ سید صادق حسینی شیرازی قم مقدس میں محرم الحرام 1448 ہجری کے پہلے عشرے کی مجالسِ عزا کا آغاز ہو گیا۔

اس عشرہ مجالس کی پہلی مجلس بروز منگل، 16 جون 2026 کو مرجعِ عالی قدر آیۃ اللہ العظمیٰ شیرازی، علمائے کرام، نمائندگان مرجعیت اور عاشقانِ امام حسین علیہ السلام کی کثیر تعداد میں منعقد ہوئی۔

اس مجلسِ عزا میں حجۃ الاسلام اسلامی، حجۃ الاسلام یگانہ اور حجۃ الاسلام صالحی نے خطاب فرمایا اور واقعۂ کربلا کے مختلف پہلوؤں پر روشنی ڈالی۔

قابلِ ذکر ہے کہ یہ مجالس تیرہ دن تک بیت مرجعِ عالی قدر قم، خیابانِ انقلاب، کوچہ نمبر 6 میں منعقد ہوں گی۔

شیعہ خبر رساں ایجنسی کے مطابق یہ مجالس عزا روزانہ دو اوقات میں منعقد کی جا رہی ہیں؛ صبح 10 بجے فارسی زبان میں اور شام 7 بجے عربی زبان میں مجالسِ عزا برپا ہوتی ہیں۔