مقدس مقامات اور روضے
کربلا میں محرم کی تیاریاں شروع، پہلا عزائی خیمہ قائم
کربلا میں محرم کی تیاریاں شروع، پہلا عزائی خیمہ قائم
شہرِ مقدس کربلا میں ماہِ محرم الحرام کا پہلا خیمۂ عزا قائم کر دیا گیا، جس کے ساتھ ہی اس مقدس شہر میں سید الشہداء حضرت امام حسین علیہ السلام کی یاد میں سوگواری اور معنوی فضا کا آغاز ہو گیا ہے۔
یہ خیمہ خصوصی سجاوٹ اور منظم انتظامات کے ساتھ نصب کیا گیا ہے، جو محرم الحرام کی عزائی تقریبات کی وسیع تیاریوں کی علامت ہے۔
شیعہ خبر رساں ایجنسی کے مطابق، ماہِ محرم کے آغاز میں ابھی دس دن باقی ہیں، تاہم اس اقدام نے کربلا معلیٰ کی جانب سے لاکھوں زائرین اور عزادارانِ حسینی کے استقبال کی تیاریوں کو نمایاں کر دیا ہے۔
ذرائع ابلاغ کی جانب سے جاری کی گئی تصاویر میں بھی شہر کی عزائی فضا، سیاہ پوشی اور سوگواری کے لئے جاری وسیع انتظامات واضح طور پر دکھائی دے رہے ہیں۔
