پانچوں براعظم میں غدیر کی عالمی تجلی؛ یورپ و امریکہ کے قلب سے افریقہ و ایشیا تک عدل اور ولایتِ علوی کا پیغام گونج اٹھا
پانچوں براعظم میں غدیر کی عالمی تجلی؛ یورپ و امریکہ کے قلب سے افریقہ و ایشیا تک عدل اور ولایتِ علوی کا پیغام گونج اٹھا
عیدِ سعید غدیر خم کی آمد کے ساتھ ہی دنیا بھر میں عدل، آزادی اور ولایتِ اہل بیت علیہم السلام کے چاہنے والوں کی روحانی و دینی سرگرمیوں کا آغاز ہو گیا ہے اور عید اللہ الاکبر کی تقریبات نے جغرافیائی سرحدوں کو عبور کرتے ہوئے ایک عالمی رنگ اختیار کر لیا ہے۔
شیعہ نیوز ایجنسی کی رپورٹ کے مطابق، یورپ اور امریکہ کے دارالحکومتوں میں قائم مساجد اور اسلامی مراکز سے لے کر افریقہ کے مختلف علاقوں اور برصغیر کے حسینی مراکز و امام بارگاہوں تک ہر جگہ نور، مسرت اور جشنِ غدیر کی فضا قائم ہے۔
اہل بیت علیہم السلام کے شیعہ اور محبان دنیا کے مختلف خطوں میں سبز پرچمِ ولایت بلند کر کے، گلیوں اور محلّوں کو سجا کر اور جشنِ غدیر کی محافل منعقد کر کے اپنی عقیدت، محبت اور اتحاد کا شاندار مظاہرہ کر رہے ہیں۔
ان بین الاقوامی تقریبات میں نہ صرف مقامی شیعہ برادری بلکہ مغربی ممالک کے مسلمان اور دیگر مقامی افراد بھی بھرپور دلچسپی کا اظہار کر رہے ہیں۔
ان پروگراموں میں مختلف زبانوں میں خطابات، منقبت خوانی، ثقافتی سرگرمیاں، ضرورت مندوں میں امدادی سامان کی تقسیم اور غدیری اطعام کا اہتمام کیا جا رہا ہے۔
لندن، پیرس، نیویارک اور ٹورنٹو سمیت مختلف عالمی شہروں میں قائم ثقافتی مراکز اور غدیر کی تقریبات میں خطبۂ غدیر کی صدائیں گونج رہی ہیں، جو دنیا بھر کے انسانوں تک محبت، امن، اخوت اور امیرالمؤمنین حضرت علی علیہ السلام کی برحق جانشینی کا پیغام پہنچا رہی ہیں۔
یہ عظیم الشان منظر اس حقیقت کا مظہر ہے کہ غدیر کا چراغِ ہدایت ہر روز پہلے سے زیادہ روشن ہو رہا ہے اور دنیا بھر کے حق کے متلاشی دلوں کو نورِ ولایت سے منور کر رہا ہے۔
