میلبورن میں حسینیہ بیتُ الحسین علیہ السلام کی ہفتہ وار مجلس کا انعقاد؛ قرآنِ کریم اور خطبۂ غدیر پر خصوصی پروگرام
میلبورن میں حسینیہ بیتُ الحسین علیہ السلام کی ہفتہ وار مجلس کا انعقاد؛ قرآنِ کریم اور خطبۂ غدیر پر خصوصی پروگرام
آسٹریلیا کے شہر میلبورن میں مرجع عالی قدر آیۃ اللہ العظمیٰ سید صادق حسینی شیرازی دام ظلہ سے وابستہ حسینیہ بیتُ الحسین علیہ السلام میں ہفتہ وار مذہبی پروگرام منعقد کیا گیا۔
پروگرام کا آغاز قرآنِ کریم کی تعلیم و تلاوت اور زیارت سے ہوا۔
شیعہ خبر رساں ایجنسی کے مطابق تقریب کے ایک حصے میں نوجوانوں کے لیے انگریزی زبان میں اسلامی عقائد اور دینی موضوعات پر گفتگو کی گئی، جس کا مقصد نئی نسل کو اسلامی تعلیمات اور معارفِ اہلِ بیت علیہم السلام سے روشناس کرانا تھا۔
اس پروگرام کی مرکزی نشست میں حجۃ الاسلام سید علی رضوی نے خطاب کیا۔ انہوں نے اپنے خطاب میں خطبۂ غدیر کی فضیلت، اہمیت اور اس کے اعتقادی و اجتماعی پہلوؤں پر روشنی ڈالی اور حاضرین کو واقعۂ غدیر کے پیغام سے آگاہ کیا۔
تقریب کے اختتام پر مداحِ اہلِ بیت علیہم السلام حاج ابو احمد نجفی نے منقبت، قصیدہ اور نعتیہ کلام کا نذرانہ پیش کیا، جسے حاضرین نے عقیدت و احترام کے ساتھ سنا۔
