یورپ میں برقی گاڑیوں کی فروخت میں نمایاں اضافہ

یورپ میں برقی گاڑیوں کی فروخت میں نمایاں اضافہ

عالمی سطح پر ایندھن کی قیمتوں میں اضافے اور توانائی کے بحران کے باعث یورپ میں برقی گاڑیوں کی طلب میں واضح اضافہ دیکھنے میں آیا ہے۔

رپورٹس کے مطابق پٹرول اور ڈیزل کی بڑھتی ہوئی قیمتوں کے ردِعمل میں یورپی صارفین تیزی سے الیکٹرک گاڑیوں کی طرف مائل ہو رہے ہیں، اور یہ رجحان گزشتہ ماہ مزید تیز ہوا ہے۔

بی بی سی فارسی کے مطابق، گزشتہ ماہ یورپ بھر میں برقی گاڑیوں کی فروخت میں 50 فیصد سے زیادہ اضافہ ہوا۔

مزید یہ کہ رواں سال کی پہلی سہ ماہی میں یورپی یونین کے 15 ممالک میں تقریباً پانچ لاکھ نئی الیکٹرک گاڑیاں رجسٹر ہوئیں، جو پچھلے سال کے اسی عرصے کے مقابلے میں تقریباً ایک تہائی زیادہ ہیں۔

اسی حوالے سے یورپ کی الیکٹرانک ٹرانسپورٹ ٹریڈ ایسوسی ایشن نے بتایا ہے کہ برقی گاڑیوں کی موجودہ صلاحیت سالانہ دو ملین بیرل تک تیل کی کھپت کم کر سکتی ہے۔

رپورٹ کے مطابق ناروے اس تبدیلی میں سب سے آگے ہے، جہاں مارچ میں فروخت ہونے والی تقریباً 98 فیصد نئی گاڑیاں مکمل طور پر برقی تھیں، جو یورپ میں ٹرانسپورٹ کے بدلتے رجحان کی واضح علامت ہے۔