عراق
بغداد انٹرنیشنل ایئرپورٹ کی بحالی، داخلی و بین الاقوامی پروازوں کی بتدریج بحالی شروع
بغداد انٹرنیشنل ایئرپورٹ کی بحالی، داخلی و بین الاقوامی پروازوں کی بتدریج بحالی شروع
ایک عرصہ کی پابندیوں اور پروازوں کی معطلی کے بعد بغداد انٹرنیشنل ایئرپورٹ نے اپنی سرگرمیاں بتدریج دوبارہ شروع کر دی ہیں۔
عراقی خبر رساں ایجنسی واع کے مطابق، ایئرپورٹ کو تکنیکی جائزے مکمل ہونے اور سیکیورٹی پابندیاں ختم ہونے کے بعد دوبارہ کھول دیا گیا ہے، اور پروازوں کی بحالی مرحلہ وار جاری ہے۔
رپورٹ کے مطابق، اندرونِ ملک اور بین الاقوامی پروازیں آہستہ آہستہ معمول پر آ رہی ہیں اور فضائی سرگرمیوں کی بحالی کا عمل مستحکم ہو رہا ہے۔
عراقی ہوا بازی کے حکام نے زور دیا ہے کہ پروازوں کی صورتحال پر مسلسل نظر رکھی جا رہی ہے، اور جیسے ہی مکمل حالات سازگار ہوں گے، ایئرپورٹ اپنی مکمل آپریشنل صلاحیت پر واپس آ جائے گا۔
