استنبول میں عوام کی موجودگی میں افطار توپ چلانے کی تقریب منعقد

ترکی میں ماہِ مبارک رمضان کی روایتی رسومات میں سے ایک “توپِ افطار” چلانے کی تقریب ہے۔

اس سال بھی رمضان المبارک کی آمد پر استنبول میں یہ تاریخی روایت ادا کی گئی اور مسجد سلطان احمد اور ایاصوفیہ کے قریب توپ چلا کر افطار کے وقت اعلان کیا گیا۔

ٹی آر ٹی کی رپورٹ کے مطابق یہ رسم ترک معاشرے میں ثقافت اور دین کے باہمی تعلق کی علامت سمجھی جاتی ہے اور ہر سال بڑی تعداد میں مقامی افراد اور سیاحوں کو اپنی طرف متوجہ کرتی ہے۔

اس تقریب کو بھرپور پذیرائی حاصل ہوئی اور یہ ملک میں ماہِ رمضان کی قدیم روایات کی یاد تازہ کرتی ہے۔