تھائی لینڈ کے صوبہ چیانگ مائی میں فوجی تربیتی مشن کے دوران چھوٹا جنگی طیارہ کریش کرگیا۔ حادثے کے نتیجے میں 2 پائلٹ ہلاک ہو گئے۔
غیر ملکی ذرائع ابلاغ کے مطابق رائل تھائی ایئر فورس (RTAF) کے ترجمان چکرت تھمّاویچائی کا کہنا تھا کہ اے ٹی۔6 ٹی ایچ (AT-6TH) طیارہ، جو وِنگ 41 سے منسلک تھا۔
رپورٹس کے مطابق گزشتہ روز طیارہ چیانگ مائی انٹرنیشنل ایئرپورٹ سے تقریباً 60 کلومیٹر جنوب مغرب میں واقع ضلع چوم تھونگ میں گر کر تباہ ہوگیا۔
ترجمان کا کہنا ہے کہ حادثے کے وقت پائلٹ کمبیٹ سرچ اینڈ ریسکیو کی تربیتی مشق انجام دے رہے تھے جبکہ جائے حادثہ کے آس پاس کسی شہری کے زخمی ہونے یا املاک کو نقصان پہنچنے کی کوئی اطلاع سامنے نہیں آئی۔
رپورٹس کے مطابق جاری بیان میں کہا گیا ہے کہ حکام ہوا بازی کے حفاظتی معیارات کی مکمل پابندی کے ساتھ تحقیقات کریں گے تاکہ حادثے کی اصل وجہ معلوم کی جا سکے۔
