قاضی کو اپنے ذاتی علم کی بنیاد پر فیصلہ کرنے کا حق نہیں: آیۃ اللہ العظمیٰ شیرازی

قاضی کو اپنے ذاتی علم کی بنیاد پر فیصلہ کرنے کا حق نہیں: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور پیر 16 جمادی الثانی 1447 ہجری کو منعقد ہوا۔

جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ نے قاضی کے اپنے ذاتی علم کے مطابق فیصلہ کرنے کے مسئلے پر گفتگو کرتے ہوئے فرمایا: شیعہ فقہاء میں مشہور قول یہ ہے کہ قاضی کو اپنے ذاتی علم پر عمل کرنے کی اجازت نہیں، بلکہ اسے بیّنہ (گواہی) اور یمین (قسم) کی بنیاد پر فیصلہ کرنا چاہیے۔

معظم لہ نے مزید فرمایا: یہاں تک کہ رسولِ خدا صلی اللہ علیہ وآلہ باوجود اس کے کہ آپ یقینی طور پر علم رکھتے تھے، لیکن جب فیصلہ فرماتے تھے تو یہ کہہ کر فیصلہ کرتے تھے کہ: ’’میں تم میں سے صرف گواہوں کی شہادت اور قسموں کی بنیاد پر فیصلہ کرتا ہوں۔‘‘
لہٰذا قاضی کے لئے جائز نہیں کہ وہ اپنے علم یا ذاتی معلومات کی بنیاد پر فیصلہ کرے۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔