مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور منگل 26 جمادی الاول 1447 ہجری کو منعقد ہوا۔

اگر کوئی شخص مجمع میں سب کو سلام کرے اور صرف ایک شخص جواب دے، تو باقی سب سے جواب دینا ساقط ہو جاتا ہے: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور منگل 26 جمادی الاول 1447 ہجری کو منعقد ہوا۔

جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمی شیرازی نے اُس حکم کے بارے میں گفتگو کرتے ہوئے کہ جس کا تعلق اُن افراد سے ہے جنہیں کوئی شخص مجمع میں داخل ہوتے ہوئے سلام کرے، فرمایا:  کتاب عروة الوثقى میں آیا ہے کہ اگر کوئی انسان کسی مجمع میں داخل ہو کر سلام کرے، اور اس کا سلام مخصوص افراد کے لئے ہو، تو ان مخصوص افراد پر جواب دینا واجب ہے۔ لیکن اگر سلام عام طور پر سب کو کیا گیا ہو تو اگر ایک شخص بھی جواب دے دے تو باقی لوگوں سے جواب دینا ساقط ہو جاتا ہے۔ البتہ اگر کوئی بھی جواب نہ دے تو سب گناہگار ہوں گے۔

معظم لہ نے مزید فرمایا: لہٰذا یہاں حکم واجبِ کفائی کا ہے اور واجبِ کفائی میں اگر ایک شخص واجب کو انجام دے دے تو باقی سب سے ساقط ہو جاتا ہے، ورنہ سب ذمہ دار ہوں گے۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔