جمادی الاول 1447 کا چاند نظر نہیں آیا

دفتر آیۃ اللہ العظمیٰ سید صادق حسینی شیرازی دام ظلہ سے وابستہ "انٹرنیشنل چینل مرجعیت” کے مطابق مرجع عالی قدر آیۃ اللہ العظمیٰ سید صادق حسینی شیرازی دام ظلہ کے نزدیک 22 اکتوبر 2025 بروز بدھ کو ماہ جمادی الاول 1447 ہجری کے چاند کی تصدیق نہیں ہوئی لہذا 23 اکتوبر 2025 بروز جمعرات کو 30 ربیع الثانی 1447 ہجری ہے اور 24 اکتوبر بروز جمعہ یکم جمادی الاول 1447 ہجری ہوگی۔

اسی طرح شیعہ مرکزی چاند کمیٹی ہندوستان کے صدر مولانا سید سیف عباس نقوی نے اطلاع دی کہ 29 ربیع الثانی 1447 ہجری کو جمادی الاول 1447 ہجری کے چاند کی تصدیق حاصل نہیں ہوئی لہذا 23 اکتوبر 2025 کو 30 ربیع الثانی 1447 ہجری ہے۔

مولانا سید سیف عباس نقوی نے مزید بتایا کہ 5 جمادی الاول یوم ولادت باسعادت حضرت زینب سلام اللہ علیہا 28 اکتوبر کو، 13 جمادی الاول یوم شہادت حضرت فاطمہ زہرا سلام اللہ علیہا 5 نومبر کو اور 15 جمادی الاول یوم ولادت با سعادت حضرت امام زین العابدین علیہ السلام 7 نومبر 2025 کو ہوگی۔

اسی طرح ہندوستان کی دیگر شیعہ سنی چاند کمیٹیوں نے بھی اعلان کیا کہ 29 ربیع الثانی 1447 ہجری مطابق 22 اکتوبر 2025 کو ماہ جمادی الاول کا چاند نظر نہیں آیا۔