آیۃ اللہ العظمیٰ شیرازی

صرف چند مسائل میں مرحوم مرجع تقلید کی تقلید کافی نہیں ہے۔ لہذا ایسی صورت میں ان کی تقلید پر باقی رہنا ممکن نہیں ہے: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور ہفتہ 13 ربیع الاول 1447 ہجری کو منعقد ہوا۔ جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے تقلید میت کے چند بنیادی احکام کے سلسلہ میں فرمایا: اگر کوئی کسی مرجع تقلید کی توضیح المسائل ان کے فتاوی پر عمل کرنے کی نیت سے حاصل کرے لیکن اس پر عمل کرنے سے پہلے اس مرجع تقلید کا انتقال ہو جائے تو ایسی صورت میں متعلقہ شخص ان مرجع تقلید کا مقلد نہیں سمجھا جائے گا اور وہ ان کی تقلید پر باقی نہیں رہ سکتا۔

معظم لہ نے مزید فرمایا: اس کے علاوہ مرحوم مرجع تقلید کی تقلید پر باقی رہنے کے لئے ان کی زندگی میں اس قدر ان کی تقلید کر لے کہ اسے عرف میں ان کا مقلد سمجھا جائے اور صرف چند مسائل میں ان کی تقلید کافی نہیں ہے۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔