لبنان میں پیجرز کا پھٹنا، علاقائی جہتوں کے ساتھ ایک معمہ

لبنان میں فوجی پیجرز کا دھماکہ ابھی تک معمہ بنا ہوا ہے۔

یہ واقعہ جس میں متعدد افراد جان بحق اور زخمی ہوئے۔ جس کے نتیجے میں مختلف سیاسی، سلامتی اور سماجی جہتیں سامنے آئی ہیں۔

اس دھماکہ کی وجہ کے بارے میں متضاد داستانوں نے ایک بے ترتیب واقعہ سے لے کر حزب اللہ کے خلاف ٹارگٹڈ آپریشن تک کی کہانی نے پیچیدگیوں میں اضافہ کیا ہے۔

اس واقعہ کی جہت کو واضح کرنے کے لئے وسیع تحقیق جاری ہے اور عالمی برادری بھی تشویش کے ساتھ ساتھ اس واقعہ کی پیروی کر رہی ہے۔

اپنی رپورٹ میں ہمارے ساتھی رپورٹر نے اس کے مختلف پہلوؤں کا جائزہ لیا ہے جنہیں ہم دیکھتے ہیں۔

لبنان میں فوجی پیجرز کا دھماکہ جس میں بڑی تعداد میں لوگ جان بحق اور زخمی ہوئے ہیں۔ اب بھی خطہ میں سب سے زیادہ متنازعہ مسائل میں سے ایک ہے۔
منگل 17 ستمبر 2024 کو تقریبا ساڑھے تین بجے سہ پہر پیغام وصول کرنے والے متعدد آلات جنہیں پیجر کہا جاتا ہے، جو حزب اللہ کے مختلف یونٹوں اور اداروں کے متعدد ملازمین کے پاس تھے، پھٹ گئے۔

اس واقعہ نےجانی نقصان کی وجہ سے دنیا بھر کی توجہ اپنی جانب مبذول کرائی۔

حادثہ کے ابتدائی اوقات سے ہی دھماکے کے سبب کے سلسلے میں متضاد باتیں شائع ہوئی ہیں۔

کچھ ذرائع نے اس واقعہ کی وجہ تکنیکی خرابی یا حادثہ قرار دیا جبکہ دیگر نے اسے تخریب کاری کی کاروائی یا یہاں تک کہ سائبر حملہ قرار دیا۔
بعض نے اس کا الزام اسرائیل پر لگایا کہ یہ حزب اللہ کے حالیہ اقدامات کا رد عمل ہے۔
یہ دھماکہ ایسے حالات میں ہوا ہے جب لبنان شدید سیاسی اور اقتصادی بحرانوں سے نبرد آزما ہے۔
نیز لبنان کے شمالی سرحدوں پر اسرائیل اور حزب اللہ کے درمیان کشیدگی جاری ہے۔
متعدد عوامل نے اس واقعہ میں مزید پیچیدگیاں پیدا کیں اور کچھ تجزیہ کاروں کا خیال ہے کہ یہ دھماکہ خطہ میں طاقت کے توازن کو متاثر کر سکتا ہے۔
لبنان کی سیکورٹی فورسز نے اس واقعہ کی جہت کو واضح کرنے کے لئے وسیع تحقیقات شروع کر دی ہیں۔
ان تحقیقات میں حصہ لینے کے لئے بین الاقوامی ماہرین کو بھی لبنان بھیجا گیا ہے۔
عالمی برادری نے بھی اس واقعہ پر رد عمل کا اظہار کرتے ہوئے شفاف اور غیر جانبدارانہ تحقیقات کا مطالبہ کیا ہے۔
اس واقعہ کے لبنان اور خطے کے لئے وسیع نتائج ہو سکتے ہیں۔
سیاسی اور سیکیورٹی کشیدگی میں اضافہ لبنان کے اقتصادی بحران کا بڑھنا نیز جے سی پی او اے کو بحال کرنے کے لئے مذاکرات کے عمل پر اثرات ان نتائج میں سے ہیں۔
اس کے علاوہ یہ واقعہ لبنان میں سکیورٹی فورسز پر عوام کے اعتماد کو ٹھیس پہنچا سکتا ہے۔
لبنان میں پیجرز کا دھماکہ ایک پیچیدہ اور کثیر الجہتی واقعہ ہے جس کے نتائج لبنان کی سرحدوں سے باہر بھی جا سکتے ہیں۔
اس واقعہ کی جہتوں کو پوری طرح واضح کرنے کے لئے زیادہ سے زیادہ شفاف تحقیق کی ضرورت ہے۔
عالمی برادری کو بھی ان تحقیقات کے عمل کی حمایت کرنی چاہیے اور ایسے کسی بھی اشتعال انگیز اقدام سے گریز کرنا چاہیے جو خطہ میں کشیدگی میں اضافہ کا باعث بن سکتے ہیں۔