ایران کی وزارتِ صحت کے مرکز برائے متعدی امراض کے سربراہ قباد مرادی نے ملک میں بالخصوص کووڈ-19 اور انفلوئنزا سمیت سانس کی بیماریوں کے بڑھتے ہوئے پھیلاؤ سے خبردار کیا ہے۔
نگرانی کے نظام کے اعداد و شمار کے مطابق، کورونا کے مثبت کیسز کی شرح 8.3 فیصد تک پہنچ گئی ہے، جو 5 فیصد کی تشویشناک حد سے زیادہ ہے۔
خبر رساں ادارہ اناتولی کے مطابق، محکمۂ صحت کے حکام نے بتایا ہے کہ کورونا اور فلو کی یہ نئی لہر بعض ایشیائی اور یورپی ممالک میں بڑھتے ہوئے کیسز کے ساتھ ساتھ سامنے آئی ہے۔ حکام نے شہریوں پر زور دیا ہے کہ صحت و صفائی کے حفاظتی اصولوں پر عمل کریں اور خطرے سے دوچار افراد اور حساس طبقات کی ویکسینیشن کو یقینی بنائیں۔
