کربلائے معلیٰ میں بعثہ آیۃ اللہ العظمیٰ سید صادق حسینی شیرازی دام ظلہ کی جانب سے زائرینِ اربعینِ حسینی کو دینی و ثقافتی خدمات کی فراہمی

مرجعِ عالی قدر آیۃ اللہ العظمیٰ سید صادق حسینی شیرازی دام ظلہ کا بعثہ مقدس شہر کربلائے معلیٰ میں زائرینِ اربعینِ حسینی کی دینی، علمی اور ثقافتی خدمت میں مصروف ہے، جہاں روزانہ بڑی تعداد میں زائرین اس کے مختلف پروگراموں اور سہولیات سے مستفید ہو رہے ہیں۔

حرمِ مطہر حضرت امام حسین علیہ السلام کے شارعِ قبلہ پر قائم یہ بعثہ 5 صفر سے اپنی خدمات انجام دے رہا ہے۔

بعثہ میں زائرین کے شرعی مسائل کے جوابات، دینی رہنمائی، اعتقادی مشاورت، اور عقائد سے متعلق سوال و جواب کی علمی نشستوں کا باقاعدہ انعقاد کیا جا رہا ہے، تاکہ زائرین اپنی دینی معلومات میں اضافہ کریں اور اپنے شرعی مسائل کا مستند اور اطمینان بخش حل حاصل کر سکیں۔

اسی طرح متعدد علمی شخصیات اور مراجعِ عظامِ تقلید کے نمائندگان نے بعثہ کا دورہ کیا اور وہاں منعقد ہونے والے علمی و ثقافتی پروگراموں میں شرکت کی۔

ان پروگراموں کے دوران مرجعِ عالی قدر آیۃ اللہ العظمیٰ سید صادق حسینی شیرازی دام ظلہ کی متعدد علمی، دینی اور تحقیقی کتب و مطبوعات بھی زائرین اور اہلِ علم میں تقسیم کی گئیں، جنہیں حاضرین نے بے حد سراہا۔

بعثہ آیۃ اللہ العظمیٰ سید صادق حسینی شیرازی دام ظلہ کا قیام زائرینِ اربعینِ حسینی کو دینی، علمی اور ثقافتی خدمات فراہم کرنے کے مقصد سے عمل میں آیا ہے، اور یہ مرکز ایامِ زیارت کے دوران مسلسل اخلاص اور نظم و ضبط کے ساتھ اپنی خدمات انجام دے رہا ہے۔