اسموگ سے سانس کی بیماریاں پھیلنےکا خدشہ، پاکستان ادارہ صحت نے بچاؤ کیلئے ایڈوائزری جاری کردی

اسموگ سے سانس کی بیماریاں پھیلنےکا خدشہ، پاکستان ادارہ صحت نے بچاؤ کیلئے ایڈوائزری جاری کردی

اسلام آباد: پاکستان ادارہ  صحت  نے  اسموگ  سے  بچاؤ کے لیے ایڈوائزری  جاری کردی ہے۔

پاکستان ادارہ صحت کا کہنا ہےکہ اسموگ سے سانس کی بیماریاں پھیلنےکا خدشہ ہے، فضا میں زہریلے مادے اور سردی مل کر نمونیا پھیلانے کا سبب بن سکتے ہیں۔

ایڈوائزری میں کہا گیا ہےکہ فضائی آلودگی سے بچوں، عمر  رسیدہ  افراد  اور مریضوں کو  زیادہ خطرہ  ہے۔

ایڈوائزری کے مطابق لاہور، ملتان،گوجرانوالا، راولپنڈی اور  اسلام آباد کے شہریوں کا اسموگ  سے دو چار  ہونےکا زیادہ  خدشہ ہے۔

ایڈوائزری کے مطابق لاہور  میں فضائی آلودگی زیادہ ہے،  شہریوں کو احتیاط کی ضرورت ہے۔

پاکستان ادارہ صحت کا کہنا ہےکہ  ملک بھر میں ہیلتھ اتھارٹیز  اور  ماہرین اسموگ کے حوالے سے ضروری اقدامات کریں، اسموگ میں بچے زیادہ دیرگھر سے باہر  رہنے سےاجتناب برتیں، اسموگ سے متاثرہ علاقوں میں ماسک کا استعمال کریں۔