کراچی میں آئی ایس او کے تحت وفاقی جامعہ اردو میں یوم حسین علیه السلام کی تقریب
کراچی میں آئی ایس او کے تحت وفاقی جامعہ اردو میں یوم حسین علیه السلام کی تقریب
وفاقی جامعہ اردو میں ہر سال کی طرح اس سال بھی دفتر مشیر امور طلبہ اور امامیہ اسٹوڈنٹس آرگنائزیشن پاکستان کراچی ریجن جامعہ وفاقی اردو یونٹ کے اشتراک سے عظیم الشان یومِ حسین علیه السلام کا انعقاد کیا گیا۔ اس موقع پر طلبہ و طالبات نے بھرپور شرکت کی اور شہداء کربلا کی عظیم قربانیوں کو خراج عقیدت پیش کیا۔
گلشن کیمپس کراچی میں منعقدہ سالانہ یوم حسین علیه السلام کی پُروقار تقریب کی صدارت مشیر امور طلبہ نے کی، جبکہ مقررین میں جماعت اسلامی پاکستان کے مرکزی رہنماء ڈاکٹر معراج الہدیٰ صدیقی، جمعیت علمائے پاکستان کے رہنماء علامہ قاضی احمد نورانی صدیقی، مجلس وحدت مسلمین پاکستان کے وائس چیئرمین علامہ سید احمد اقبال رضوی، ہئیت ائمہ مساجد و علمائے امامیہ پاکستان کے مرکزی رہنما علامہ سید صادق رضا تقوی اور جامعہ کے اساتذہ شامل تھے۔
سالانہ یوم حسین علیه السلام میں جامعہ کے اساتذہ، نان ٹیچنگ اسٹاف، طلباء تنظیموں کے وفود، طلبہ و طالبات نے کثیر تعداد میں شرکت کی۔ سالانہ یوم حسین علیه السلام میں معروف منقبت و نوحہ خواں حضرات شاہد علی شاہد، احمد رضا ناصری و دیگر نے نواسہ رسول سید الشہداء حضرت امام حسین علیه السلام کی بارگاہ میں نذرانہ عقیدت بھی پیش کیا۔
