معتبر روایات کے مطابق نہ کوئی دن عاشور جیسا ہے اور نہ ہی کوئی زمین کربلا جیسی ہے: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور جمعرات 7 شعبان المعظم سن 1446 ہجری کو منعقد ہوا. جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے اس جملہ "کل یوم عاشورا و کل ارض کربلا” کے سلسلہ میں فرمایا: یہ جملہ حدیث نہیں ہے، بلکہ اس کے برخلاف امام حسن مجتبی علیہ السلام کی حدیث موجود ہے کہ آپ نے فرمایا: لایوم کیومک یا ابا عبد اللہ”

آیۃ اللہ العظمیٰ شیرازی نے مزید فرمایا: اس حدیث کا مطلب ہے کہ دنیا کا کوئی دن عاشور جیسا نہیں اور نہ ہی کوئی زمین کربلا جیسی ہے۔ اسی طرح حدیث قدسی موجود ہے کہ خدا نے فرمایا: کوئی زمین کربلا جیسی نہیں ہے۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ علمی جلسات آپ کے دفتر واقع ایران، قم مقدس، خیابان چہار مردان، کوچہ 6 میں ایرانی وقت کے مطابق صبح 11:15 بجے منعقد ہوتا ہے‌۔

آپ ان علمی اجلاس کو براہ راست امام حسین علیہ السلام سیٹلائٹ چینل یا فروکوئنسی 12073 پر دیکھ سکتے ہیں.