امور حسبیہ میں حاکم شرع کا حکم ضروری ہے : آیۃ اللہ العظمیٰ شیرازی
مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور جمعہ یکم شعبان 1446 ہجری کو منعقد ہوا۔ جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔
آیۃ اللہ العظمیٰ شیرازی نے فقیہ کے اختیارات کے سلسلہ میں فرمایا: اکثر فقہاء کے نظریے کے مطابق حاکم شرع اور فقیہ جامع الشرائط کا حکم رویت ہلال سمیت تمام امور میں نافذ ہے۔
آیۃ اللہ العظمیٰ شیرازی نے فرمایا: مشہور فقہاء کے مطابق حاکم شرع کا حکم قطعی طور پر صحیح ہے خواہ وہ باب قضا ہو یا غیر قضا ہو اور وہ موضوعات میں بھی حکم دے سکتا ہے۔
آیۃ اللہ العظمیٰ شیرازی نے امور حسبیہ میں اختیار کے سلسلہ میں فرمایا: اس صورت میں حاکم شرع کا حکم لازم ہے، لیکن اگر حاکم شرح تک رسائی نہ ہو تو عادل مومنین سے رجوع کرنا ضروری ہے، اگر عادل مومنین تک رسائی ممکن نہ ہو تو مومن کی جانب رجوع کریں اگرچہ ان کی عدالت ثابت نہ ہو۔
واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ علمی جلسات آپ کے دفتر واقع ایران، قم مقدس، خیابان چہار مردان، کوچہ 6 میں ایرانی وقت کے مطابق صبح 11:15 بجے منعقد ہوتا ہے۔
آپ ان علمی اجلاس کو براہ راست امام حسین علیہ السلام سیٹلائٹ چینل یا فروکوئنسی 12073 پر دیکھ سکتے ہیں.
