ہندوستان ،حج 2025 کا اعلان جلد متوقع

نئی دہلی۔ حج کمیٹی آف انڈیا، وزارت اقلیتی امور حکومت ہند کو ہندوستانی سفارت خانہ ریاض نے اطلاع فراہم کی ہے کہ وزارت حج و عمرہ مملکت سعودیہ عربیہ کی جانب سے حج 2025 (1446 ہجری) کی تیاری جلد شروع کر دی جائے گی۔ حج کمیٹی آف انڈیا کے سی ای او ڈاکٹر لیاقت علی آفاقی آئی آر ایس نے بتایا کہ حج 2025 کا اعلان امثال جولائی کے آخری یا اگست ماہ کے پہلے ہفتے میں متوقع ہے۔ حج کمیٹی آف انڈیا کی وساطت سے حج کرنے کے خواہشمند ہندوستانی عازمین حج کو ہدایتی مشورہ دیا جاتا ہے کہ وہ اپنے مشین سے پڑھے جانے کے قابل بین الاقوامی پاسپورٹ جس کا 15 جنوری 2026 تک سفر کا جواز ہو اس کے ساتھ ساتھ متعلقہ دستاویزات تیار رکھیں تاکہ حج کمیٹی آف انڈیا کی طرف سے اعلان حج ہوتے ہی درخواست دے سکیں۔  حج 2025 کے تمام انتظامی امور اکتوبر تک مکمل کر لئے جائیں گے۔