پہلی انٹرایکٹو کانفرنس "اندیشۂ اسلامی” لندن میں منعقد ہوئی، جس میں بین الاقوامی دانشوروں، سول کارکنوں اور مذہبی شخصیات کی ایک بڑی تعداد نے شرکت کی، تاکہ امت مسلمہ کو درپیش فکری اور سیاسی چیلنجوں پر غور کیا جا سکے۔
بین الاقوامی خبر رساں ویب سائٹ فائیو پلرز (5Pillars) کی رپورٹ کے مطابق، اس علمی تقریب کے شرکاء نے فکری دباؤ کا مقابلہ کرنے، تعمیری تبدیلیاں لانے اور ناانصافی کے خلاف جدوجہد کے طریقوں پر تبادلہ خیال کیا۔پروگرام میں شریک مقررین نے اس نشست کے انعقاد کو فکری مکالموں کے معیار کو بلند کرنے اور عالم اسلام کے مسائل کا گہرائی سے جائزہ لینے کی جانب ایک مؤثر قدم قرار دیا۔
