طالبان کا پاکستان پر داعش کو پناہ دینے کا الزام، اقوامِ متحدہ کی سلامتی کونسل کی رپورٹ کے برعکس — رپورٹ میں افغانستان میں داعش کی مسلسل موجودگی کا انکشاف

طالبان کا پاکستان پر داعش کو پناہ دینے کا الزام، اقوامِ متحدہ کی سلامتی کونسل کی رپورٹ کے برعکس — رپورٹ میں افغانستان میں داعش کی مسلسل موجودگی کا انکشاف

طالبان حکومت کے ترجمان ذبیح اللہ مجاہد نے دعویٰ کیا ہے کہ افغانستان داعش کے ارکان سے مکمل طور پر پاک ہو چکا ہے، اور پاکستان پر الزام عائد کیا کہ وہ اس گروہ کو تربیت فراہم کر رہا ہے اور پناہ دے رہا ہے۔

تاہم اسلام آباد نے ان الزامات کو مسترد کرتے ہوئے کابل پر کالعدم تحریکِ طالبان پاکستان کی حمایت کا الزام لگایا ہے۔

الجزیرہ کی رپورٹ کے مطابق، اقوامِ متحدہ کی سلامتی کونسل کی پابندیوں کی نگرانی کرنے والی ٹیم کی تازہ ترین رپورٹ نے طالبان کے اس دعوے کو رد کر دیا ہے۔ رپورٹ میں کہا گیا ہے کہ شمالی افغانستان اور دونوں ممالک کے سرحدی علاقوں میں داعش خراسان کے عملی نیٹ ورک تاحال موجود اور سرگرم ہیں۔