ترکی میں، بالخصوص زراعت اور تعمیرات کے شعبوں میں، کام کے دوران پیش آنے والے حادثات میں مہاجر مزدوروں کی ہلاکتوں نے مزدور حقوق کی نگراں تنظیموں کی توجہ اپنی طرف مبذول کرا لی ہے۔
تازہ واقعے میں قونیہ کے علاقے میں چقندر کے کھیت میں کام کے دوران حادثے کا شکار ہو کر ایک 25 سالہ افغان نوجوان جاں بحق ہو گیا۔
ایلنا نیوز ایجنسی نے "ترک کونسل برائے تحفظ و صحتِ مزدوراں (İSİG)” کے حوالے سے بتایا ہے کہ گزشتہ دو سال کے دوران ترکی میں کام کے دوران حادثات میں کم از کم 25 افغان مزدور جاں بحق ہوئے ہیں۔
رپورٹ کے مطابق، ترکی میں مہاجر مزدوروں کی اموات میں شامی شہریوں کے بعد سب سے زیادہ تعداد افغان شہریوں کی ہے۔
ادارے کے اعداد و شمار کے مطابق، ورک پرمٹ اور سماجی تحفظ کے بغیر کام کرنے والے مزدور قانونی تحفظ اور نقصان کی تلافی سے محروم رہتے ہیں، اور موسمی کھیتوں میں ملازمت کے تحفظ کی کمی ان کے اہل خانہ کے لیے معاشی نقصان کا خطرہ کہیں زیادہ بڑھا دیتی ہے۔
