امریکی نوجوانوں کا اسلامی تعلیمات کی جانب بڑھتا رجحان؛ انتخابات سے قبل راسموسن ریپورٹس کا تازہ سروے

امریکہ میں ہونے والے تازہ ترین جائزوں کے مطابق، نوجوان نسل میں اسلامی شریعت کے قوانین اور اقدار کے حوالے سے مثبت سوچ میں نمایاں اضافہ ہوا ہے، جس پر کانگریس کے اراکین کی جانب سے مختلف ردعمل سامنے آئے ہیں۔

"لیونگسٹن پیرش نیوز” کی رپورٹ کے مطابق، رائے عامہ کی جائزہ ایجنسی "راسموسن ریپورٹس” نے غیر سرکاری تنظیم "آور ریپبلک” کے تعاون سے اپنی تازہ تحقیق میں بتایا ہے کہ 18 سے 24 سال کی عمر کے 43 فیصد ووٹرز اور 40 سال سے کم عمر افراد کی ایک بڑی تعداد قرآن اور سیرتِ پیغمبرِ اکرم حضرت محمد صلی اللہ علیہ وآلہ وسلم پر مبنی اسلامی تعلیمات کے بارے میں مثبت نظریہ رکھتی ہے۔

ان نتائج نے ریپبلکن پارٹی کے انتہا پسند دھڑے میں تشویش کی لہر دوڑا دی ہے، یہاں تک کہ کانگریس کے بعض نمائندوں نے اسلامی اقدار کے بڑھتے ہوئے اثرات پر برہمی کا اظہار کرتے ہوئے اسلام مخالف فراکشن بنا لئے ہیں۔

سروے سے یہ بھی ظاہر ہوتا ہے کہ ڈیموکریٹس کی اکثریت امریکہ کے صہیونی حکومت کے ساتھ اتحاد کو ایک بڑے خطرے کے طور پر دیکھتی ہے۔