جنوبی ایشیا میں معاشی بحران پر عالمی بینک کی تشویشناک رپورٹ؛ خطہ کی نصف غریب آبادی پاکستان میں مرکوز، خطِ غربت میں خطرناک اضافہ

جنوبی ایشیا میں معاشی بحران پر عالمی بینک کی تشویشناک رپورٹ؛ خطہ کی نصف غریب آبادی پاکستان میں مرکوز، خطِ غربت میں خطرناک اضافہ

جنوبی ایشیاء میں جاری معاشی بحران اور بڑھتے ہوئے افراطِ زر نے لاکھوں مسلمانوں کی زندگی کو شدید مشکلات سے دوچار کر دیا ہے۔

تازہ ترین اعداد و شمار کے مطابق، خطے کی غریب ترین آبادی کا تقریباً 48 فیصد حصہ، جو یومیہ 3 ڈالر سے بھی کم آمدنی پر گزارہ کر رہا ہے، پاکستان میں مقیم ہے۔

یہ صورتِ حال معاشی ناہمواریوں میں اضافہ اور کم آمدنی والے طبقات پر روز بروز بڑھتے ہوئے معاشی دباؤ کی غماز ہے۔

ٹیلی گرام چینل "خبرِ تازہ افغانستان” کی رپورٹ، جو عالمی بینک کے تحقیقی جائزوں پر مبنی ہے، کے مطابق پاکستان میں شرحِ غربت میں حالیہ برسوں کے دوران 6 فیصد سے زائد اضافہ ہوا ہے، جس کے باعث خطے میں غربت کا مجموعی اشاریہ عالمی اوسط (10.4 فیصد) سے کہیں زیادہ بڑھ گیا ہے۔

اگرچہ آئندہ برسوں میں پاکستان کی مجموعی قومی پیداوار (GDP) میں کسی قدر بہتری کی پیش گوئی کی جا رہی ہے، تاہم اشیائے ضروریہ اور آمد و رفت کے اخراجات میں مسلسل اضافہ اب بھی کمزور اور نچلے طبقات کی معیشت پر شدید دباؤ ڈالے ہوئے ہے۔