سوڈان میں عام شہریوں پر حملوں کی مذمت اور اقوامِ متحدہ کی انسانی حقوق کونسل کی جانب سے تحقیقاتی کمیٹی کے مینڈیٹ میں توسیع
سوڈان میں عام شہریوں پر حملوں کی مذمت اور اقوامِ متحدہ کی انسانی حقوق کونسل کی جانب سے تحقیقاتی کمیٹی کے مینڈیٹ میں توسیع
اقوامِ متحدہ کی انسانی حقوق کونسل نے ایک قرارداد منظور کرتے ہوئے سوڈان میں متحارب فریقین کی جانب سے شہریوں اور اہم انفراسٹرکچر پر کئے جانے والے میزائلی اور ڈرون حملوں کی مذمت کی اور فوری اور غیر مشروط جنگ بندی کا مطالبہ کیا۔
اس قرارداد کے تحت، سوڈان میں قوانینِ انسانیت کی خلاف ورزیوں کی تحقیقات کے لئے بین الاقوامی تحقیقاتی کمیٹی (فیکٹ فائنڈنگ مشن) کے مینڈیٹ میں ایک سال کی مزید توسیع کر دی گئی ہے۔
"الجزیرہ” نیٹ ورک کی رپورٹ کے مطابق، کونسل نے بیرونی مداخلت اور فریقینِ متحارب کو اسلحہ فراہم کیے جانے پر تشویش کا اظہار کرتے ہوئے اس بات پر زور دیا کہ سوڈان کے بحران کا کوئی عسکری حل نہیں ہے، اور جنگ بندی کی نگرانی اور امدادی سرگرمیوں کی فراہمی میں سہولت کے لئے ایک خودمختار میکانزم کے قیام کا مطالبہ کیا۔
