اسکولوں میں حجاب پر پابندی پر آسٹریائی کارڈینل کی تنقید اور مسلمانوں اور مسیحیوں کے درمیان باہمی احترام پر زور
اسکولوں میں حجاب پر پابندی پر آسٹریائی کارڈینل کی تنقید اور مسلمانوں اور مسیحیوں کے درمیان باہمی احترام پر زور
بعض یورپی ممالک میں مذہبی علامتوں کی موجودگی کی مخالفت اور طلبہ کے مذہبی لباس پر پابندیوں کے نفاذ نے بعض ممتاز مسیحی رہنماؤں کی جانب سے شدید ردعمل کو جنم دیا ہے۔
مذہبی آزادیوں کا دفاع اور توحیدی ادیان کے پیروکاروں کے وقار کا تحفظ، بین المذاہب تعمیری تعامل اور معاشرے کی عوامی فضا میں انتہا پسند سیکولرازم کی لہر کا مقابلہ کرنے کا پیش خیمہ ہے۔
آسٹریائی روزنامہ "ہوئتے” (Heute) کی رپورٹ کے مطابق، ویانا کے سبکدوش آرچ بشپ کارڈینل کرسٹوف شونبورن نے آسٹریا کے اسکولوں میں 14 سال سے کم عمر بچیوں کے لیے حجاب پر پابندی کے منصوبے کی صریح مخالفت کرتے ہوئے، خاندانوں کے تربیتی اختیارات میں حکومتی مداخلت کم کرنے کا مطالبہ کیا۔
انہوں نے فرانس کے سخت گیر سیکولرازم کے ماڈل کو مسترد کرتے ہوئے، اسلامی-مسیحی بقائے باہمی کو باہمی احترام کی بنیاد پر استوار قرار دیا اور زور دیا کہ اسلام اور مسیحیت بنیادی اصولوں جیسے خدائے واحد پر ایمان، عملِ خیر کی بجا آوری کے حوالے سے اخلاقی ذمہ داری اور آخرت پر اعتقاد میں گہرے اشتراکات رکھتے ہیں۔
