یمن میں ساڑھے تین ملین ماؤں اور بچوں کی زندگی خطرے میں، عالمی اداروں کی پکار
یمن میں ساڑھے تین ملین ماؤں اور بچوں کی زندگی خطرے میں، عالمی اداروں کی پکار
یمن میں شدید انسانی بحران اور غذائی قلت نے اس ملک کی آئندہ نسل کی جسمانی صحت اور ذہنی نشوونما کو ایک بے مثال خطرے سے دوچار کر دیا ہے۔
اقوامِ متحدہ کے ادارہ برائے اطفال (یونیسف) کی تازہ رپورٹ کے مطابق اس وقت یمن میں پینتیس لاکھ بچے اور حاملہ یا شیرخوار بچوں کو دودھ پلانے والی خواتین شدید غذائی قلت کا شکار ہیں۔
یہ تشویشناک صورتحال اس ملک کی تاریخ کے بلند ترین اعداد و شمار میں شمار ہوتی ہے۔
عراقی سرکاری خبررساں ایجنسی (واع) کی یونیسف کے حوالے سے دی گئی رپورٹ کے مطابق تقریباً بائیس لاکھ پانچ سال سے کم عمر بچے اور تیرہ لاکھ حاملہ و شیرخوار بچوں کو دودھ پلانے والی خواتین و لڑکیاں اس المیے سے دوچار ہیں، اور یمنی بچوں میں سے انچاس فیصد غذائی قلت کے باعث قد کی کمی کا شکار ہو چکے ہیں۔
یونیسف پر زور دیتے ہوئے کہتی ہے کہ یہ بحران سو فیصد قابلِ انسداد ہے، اور اس نسل کو ایک "کھوئی ہوئی نسل” بننے سے بچانے کے لیے فوری مداخلت اور غذائی پروگراموں کی توسیع ناگزیر ہے۔
