22 ممالک کی جانب سے مصنوعی ذہانت کے خطرات پر انتباہ، نگرانی کے لئے بین الاقوامی ادارہ قائم کرنے کی تجویز
22 ممالک کی جانب سے مصنوعی ذہانت کے خطرات پر انتباہ، نگرانی کے لئے بین الاقوامی ادارہ قائم کرنے کی تجویز
جدید ٹیکنالوجی کی بے مثال رفتار سے ترقی اور اس کے بے قابو ہو جانے کے خدشے نے دنیا بھر کے ممالک کو احتیاطی اقدامات پر مجبور کر دیا ہے۔
سائبر حادثات کے خطرات اور ڈیجیٹل دور میں انسانی وقار کے تحفظ کی ضرورت نے بین الاقوامی سطح پر لازم و ملزوم قوانین کی تدوین کو پہلے سے کہیں زیادہ ضروری بنا دیا ہے۔
جرمن اخبار ڈی ویلٹ کی رپورٹ کے مطابق جرمنی، کینیڈا، جنوبی افریقہ اور ترکی سمیت 22 ممالک نے اقوام متحدہ کی جنرل اسمبلی کے اجلاس کے موقع پر ایک مشترکہ اعلامیہ جاری کرتے ہوئے مصنوعی ذہانت کے نظاموں پر سخت کنٹرول اور براہِ راست انسانی نگرانی نافذ کرنے کا مطالبہ کیا ہے۔
الجزیرہ کی رپورٹ کے مطابق اس اعلامیہ میں حفاظتی معیارات وضع کرنے کے لیے بین الاقوامی جوہری توانائی ایجنسی (IAEA) کی طرز پر ایک بین الاقوامی نگران ادارے کے قیام کی تجویز پر بھی زور دیا گیا ہے۔
اگرچہ عالمی رہنماؤں نے اس ٹیکنالوجی کے غیر متوقع خطرات پر خبردار کیا ہے، تاہم مصنوعی ذہانت کے شعبے کے دو بڑے فریق، امریکہ اور چین، تاحال اس معاہدے میں شامل نہیں ہوئے ہیں۔
