آسٹریلیا میں اسلام دشمنی کی نگرانی اور پیمائش کے لئے پہلے قومی اشاریے کا اجرا

آسٹریلیا میں اسلام دشمنی کے خلاف جدوجہد کے لئے خصوصی نمائندے کے دفتر نے ملک میں پہلی مرتبہ ایسا قومی اشاریہ متعارف کرانے کا اعلان کیا ہے، جس کے ذریعہ اسلام اور مسلمانوں کے بارے میں عوامی رویوں کو جانچا اور ان کی نگرانی کی جائے گی۔

اس اقدام کا مقصد امتیازی سلوک کی شرح سے متعلق درست اعداد و شمار جمع کرنا اور آسٹریلوی معاشرے میں سماجی ہم آہنگی کو فروغ دینا ہے۔

شیعہ خبر رساں ایجنسی کے مطابق، اس مرکز نے تحقیقی ادارہ اسکینلون انسٹی ٹیوٹ کے تعاون سے پورے آسٹریلیا سے ایک جامع نمونے کا جائزہ لینے کا منصوبہ بنایا ہے۔

ذمہ دار حکام نے تاکید کی کہ اسلام دشمن رویوں کا مقابلہ کرنے کے لئے شواہد اور درست اعداد و شمار پر مبنی حکمتِ عملی ضروری ہے، تاکہ پالیسی ساز پُرامن بقائے باہمی اور سماجی ہم آہنگی کے فروغ کے لیے زیادہ مؤثر اقدامات تجویز کر سکیں۔