روضہ مقدس امامین کاظمین علیہما السلام کی جانب سے آیۃ اللہ العظمیٰ شیرازی کے نمائندہ کو فکری نشست میں شرکت کی دعوت
روضہ مقدس امامین کاظمین علیہما السلام کی جانب سے آیۃ اللہ العظمیٰ شیرازی کے نمائندہ کو فکری نشست میں شرکت کی دعوت
روضہ مقدس امامین کاظمین سلام اللہ علیہما کے سکریٹریٹ نے مرجعِ عالی قدر آیۃ اللہ العظمیٰ سید صادق حسینی شیرازی کے نمائندہ حجۃ الاسلام احمد اللامی کو اس روضہ مبارک کی فکری نشست میں شرکت اور خطاب کے لئے مدعو کیا۔
یہ فکری نشست رسولِ خدا حضرت محمد مصطفیٰ صلی اللہ علیہ وآلہ وسلم کی ولادتِ باسعادت کی مناسبت سے منعقد ہوئی۔
نشست کے دوران رسولِ خدا صلی اللہ علیہ وآلہ وسلم کے مقام و مرتبہ اور انکی عظیم شخصیت کا جائزہ لیا گیا۔ اس موقع پر آپؐ کی نورانی سیرت کے مختلف پہلوؤں کے ساتھ ساتھ آپؐ کی سیرتِ نبوی میں موجود اعلیٰ اخلاقی اور انسانی اقدار و اصولوں کو بھی بیان کیا گیا۔
اس کے علاوہ، اسلامی رسالت کی بنیادوں کے استحکام، معاشرے میں اخلاقی اقدار کے فروغ، نیز ہدایت اور معنویت کی وسعت میں رسولِ اکرم صلی اللہ علیہ وآلہ وسلم کے عظیم اور بنیادی کردار پر بھی گفتگو کی گئی۔
